Franski knattspyrnumaðurinn Boubacar Kamara sleit fremra krossband í hné í 1:2-tapi liðs hans Aston Villa fyrir Manchester United í ensku úrvalsdeildinni í gær og verður því lengi frá æfingum og keppni.
The Athletic greinir frá því að Kamara hafi meiðst í síðari hálfleik og að myndatökur hafi leitt í ljós slit á krossbandinu.
Þar kemur fram að miðjumaðurinn megi búast við því að vera frá í um fimm til sex mánuði en þó er algengara að knattspyrnumenn séu frá í um níu mánuði vegna krossbandaslita.