Darwin Núnez og Mohamed Salah verða að öllum líkindum ekki með enska knattspyrnufélaginu Liverpool í kvöld þegar liðið tekur á móti Luton í 26. umferð ensku úrvalsdeildarinnar í fótbolta á Anfield í kvöld.
Jürgen Klopp, stjóri Liverpool, greindi frá þessu á blaðamannafundi en Núnez var tekinn af velli í hálfleik í 4:1-sigrinum gegn Brentford um síðustu helgi.
Salah verður að öllum líkindum hvíldur gegn Luton en hann snéri aftur á völlinn um síðustu helgi gegn Brentford eftir að hafa tognað aftan í læri í Afríkukeppninni með Egyptalandi í byrjun janúarmánaðar.
Liverpool situr sem stendur á toppi ensku úrvalsdeildarinnar með 57 stig og hefur eins stigs forskot á Manchester City sem er í öðru sætinu með 56 stig.