Brasilíumaðurinn Casemiro sá til þess að Manchester United mæti Liverpool í 8-liða úrslitum enska bikarsins í knattspyrnu.
Manchester United vann Nottingham Forest, 1:0, á City Ground í Nottingham.
Sigurmark Casemiro kom á 89. mínútu leiksins er hann stangaði fyrirgjöf Bruno Fernandes í netið.
Manchester United mætir því Liverpool á Old Trafford í Manchester helgina 16.-17. mars.
Wolves vann þá sterkan sigur á Brighton, 1:0, á Molineux-vellinum í Wolverhampton í kvöld.
Sigurmark Úlfanna skoraði Mario Lemina á annarri mínútu leiksins en Wolves mætir Coventry á sínum heimavelli í 8-liða úrslitunum.