Endurkomusigur City í grannaslagnum
Setja bókamerki
Manchester City vann í dag 3:1-heimasigur á Manchester United í grannaslag í ensku úrvalsdeildinni í fótbolta. City er nú með 62 stig, einu stigi minna en topplið Liverpool. United er í sjötta með 44 stig.
City byrjaði af krafti, náði í tvö horn í upphafi leiks og komust gestirnir í United lítið yfir miðju.
Það var því eins og þruma úr heiðskíru lofti þegar Marcus Rashford kom United yfir með stórkostlegu marki á 8. mínútu. Bruno Fernandes lagði þá boltann á Rashford sem hamraði hann í slána og inn af 25 metra færi.
Yfirburðir City á vellinum héldu áfram eftir markið og fór leikurinn nánast allur fram á vallarhelmingi United.
Phil Foden fékk gott færi til að jafna á 19. mínútu er hann slapp einn í gegn en André Onana í marki United gerði glæsilega í að verja.
Sókn City hélt áfram, en illa gekk að skapa mörg færi. Heimamenn fengu þó sannkallað dauðafæri í uppbótartíma fyrri hálfleiks þegar Erling Haaland skaut yfir af stuttu færi með galopið mark fyrir framan sig eftir skalla Foden fyrir markið.
United slapp með skrekkinn og staðan í leikhléi var 1:0. Þannig var hún fram að 56. mínútu þegar Foden jafnaði með glæsilegu skoti upp í samskeytin utan teigs.
City var með öll tök á vellinum eftir það og komst loks yfir á 80. mínútu þegar Foden slapp í gegn eftir spil við varamanninn Julián Álvarez og skoraði sitt annað mark og annað mark City.
Haaland bætti svo við þriðja markinu í uppbótartíma er hann slapp í gegn eftir sendingu frá Rodri og þar við sat.
| Man. City | 3:1 | Man. United |
|
|---|---|---|---|
| Kevin De Bruyne (Man. City) á skot framhjá +1 - Nálægt því að klára þetta. Leggur boltann innanfótar utan teigs, hársbreidd framhjá fjærstönginni. | |||
Segir PISA-niðurstöðurnar endurspegla menntakerfið
Ættum frekar að endurbæta samræmdu prófin
Segir afsökun Microsoft lélega
Lögregla handtók mann sem reyndist eftirlýstur
Ísland orðið of dýrt
Sláandi tölur kalla á djúpa greiningu
Stórfyrirtæki stefna á starfsemi í Breiðholti