Mikill eldur hefur brotist út við St Mary's-völlinn í Southampton, þar sem enska B-deildarfélagið Southampton leikur heimaleiki sína.
Bygging við völlinn stendur í ljósum logum og þykkur reykmökkur grúfir yfir svæðinu. Heimaleikur Southampton við Preston, sem á að fara fram í kvöld, er nú í hættu.
Slökkvilið berst nú við eldinn, sem er í vöruhúsi. Þak hússins hefur hrunið og eru átta slökkviliðsbílar á svæðinu.
Uppfært: Leik Southampton og Preston hefur verið frestað.