Liverpool greiðir hátt verð fyrir Slot

Enska knattspyrnufélagið Liverpool þarf að greiða Feyenoord frá Hollandi 9,4 milljónir punda til að fá að ráða knattspyrnustjórann Arne Slot.

Félögin komust að samkomulagi þess efnis í gærkvöldi og verður sá hollenski eftirmaður Jürgen Klopp hjá Liverpool eftir tímabilið.

Þar sem félögin hafa komist að samkomulagi á Liverpool aðeins eftir að semja við Slot um kaup og kjör, sem ætti ekki að dragast á langinn.

Undir stjórn Slot varð Feyenoord hollenskur meistari á síðustu leiktíð. Liðið endar í 2. sæti hollensku deildarinnar í ár og er bikarmeistari.  

• Blogga um frétt