Pep Guardiola, knattspyrnustjóri karlaliðs Manchester City, verður ekki stjóri Barcelona á ný í framtíðinni.
Guardiola stýrði Barcelona við magnaðan árangur frá 2008 til 2012 en hann vann meðal annars Meistaradeildina tvisvar.
Í viðtali við COPE segir Guardiola þó ekki möguleiki að hann snúi aftur til Barcelona í framtíðinni.
„Dyrnar eru lokaðar,“ sagði Guardiola er hann var spurður.