Everton hefur hafnað fyrsta tilboði Manchester United í knattspyrnumanninn Jarrad Branthwaite.
Samkvæmt enskum miðlum bauð United 45 milljónir punda í varnarmanninn en Everton vill hærri upphæð.
Branthwaite, sem er 21 árs gamall, var lykilmaður í liði Everton sem hélt sér uppi í ensku úrvalsdeildinni þrátt fyrir stigafrádrátt.
Enskir miðlar greina jafnframt frá því að United muni gera betra tilboð í varnarmanninn.