Íþróttir | Enski boltinn | mbl | 15.6.2024 | 17:00

Yngsti knattspyrnustjóri í sögu ensku úrvalsdeildarinnar

Fabian Hürzeler stýrði St. Pauli upp í efstu deild Þýskalands á síðustu leiktíð. Ljósmynd/St. Pauli

Þjóðverjinn Fabian Hürzeler er nýr knattspyrnustjóri enska úrvalsdeildarfélagsins Brighton & Hove Albion.

Hürzeler gerir þriggja ára samning við liðið en hann er aðeins 31 árs gamall og er yngsti knattspyrnustjóri í sögu ensku úrvalsdeildarinnar.

Hann tekur við liðinu eftir að Roberto De Zerbi hætti sem knattspyrnustjóri liðsins eftir síðasta tímabil.

Hürzeler kom þýska liðinu St Pauli upp í efstu deild á síðasta tímabili en mun hefja nýtt starf um leið og hann fær atvinnuleyfi.

We are pleased to confirm that Fabian Hürzeler will become our new men’s first-team head coach. 💙🤍

Fabian has agreed a contract until June 2027. Once his work permit is processed, he will begin work straight away! 🤝
— Brighton & Hove Albion (@OfficialBHAFC) June 15, 2024