Niðurröðun leikja tímabilsins 2024-25 í ensku úrvalsdeildinni í knattspyrnu karla var birt í morgun og þar vakti athygli að West Ham United muni ekki leika utan Lundúna fyrr en seint og um síðir.
West Ham leikur heimaleiki sína á London Stadium í höfuðborginni og vill svo til að fyrstu fjórir útileikir Hamranna á tímabilinu fara sömuleiðis fram í Lundúnum.
Því hittir það þannig á að West Ham spilar fyrsta leik sinn utan höfuðborgarinnar í Nottingham þegar liðið heimsækir Nottingham Forest í tíundu umferð úrvalsdeildarinnar þann 2. nóvember næstkomandi.
West Ham won't play a Premier League fixture outside London until November! 😮#BBCFootball pic.twitter.com/xnLYuxOQK6
— Match of the Day (@BBCMOTD) June 18, 2024