Framarar missa framherja

Viktor Bjarki Daðason lék sinn síðasta leik fyrir Fram gegn Víking í gær en samningur hans við FC Kaupmannahöfn tekur gildi í dag. 

Framherjinn ungi kom við sögu í níu leikjum á tímabilinu og skoraði eitt mark en hann kom inn af varamannabekknum fimmtán mínútum fyrir leikslok í 2:1 tapi Fram á Víkingsvelli í gær.

Jannik Pohl, framherjinn sterki, spilaði sínar fyrstu mínútur fyrir Fram síðan í fyrstu umferð deildarinnar en hann hefur verið meiddur. 

Viktor Bjarki er þriðji yngsti markaskorari í sögu efstu deildar á Íslandi og sá fimmti yngsti til að spila í deildinni frá upphafi.

Frétt af mbl.is

4. umferð: Aðeins Eiður og Þórarinn yngri - Patrick fjórði

• Blogga um frétt