Manchester United ræður yfirmann knattspyrnumála

Enska úrvalsdeildarfélagið Manchester United hefur náð samkomulagi við Newcastle United um kaupverðið á Dan Ashworth. Ashworth verður yfirmaður knattspyrnumála.

Newcastle sendi Ashworth í leyfi frá störfum eftir að upp komst um viðræður hans við Manchesterliðið í febrúar á þessu ári og kröfðust greiðslu fyrir krafta hans upp á tuttugu milljónir punda.

Ekki er vitað hversu mikið Manchester United borgaði fyrir Ashworth en hann er stórt púsl í endurskipulagningu félagsins sem leidd er af minnihlutaeigandanum Jim Radcliff.

Ashworth er ætlað að koma skikki á leikmannamál United en félagið hefur eytt ótæpilegum fjárhæðum miðað við árangur liðsins í deild og Evrópu undanfarin ár.

• Blogga um frétt