Arnór spenntur að hefja nýtt tímabil með Blackburn

Landsliðsmaðurinn Arnór Sigurðsson, leikmaður Blackburn Rovers í ensku B-deildinni í fótbolta er spenntur að byrja nýtt tímabil með liðinu en síðasta tímabil var erfitt fyrir hann vegna meiðsla.

„Ég veit hvað er að fara að gerast, ég var nýr í fyrra.

Þetta var erfitt á köflum, andlega og líkamlega, mikið af leikjum og ég meiddist snemma.

Frammistaða liðsins var upp og niður en ég lærði fullt og tek það með mér inn í næsta tímabil. Þegar þú gerir þetta í fyrsta skipti veistu ekki við hverju þú átt að búast en núna held ég að ég muni njóta þess betur.

Ég hef sýnt hvað ég get gert, núna þarf ég bara að sýna það í hverjum leik,“ sagði Arnór í viðtali á Samfélagsmiðlum Blackburn Rovers.

• Blogga um frétt