Enska úrvalsdeildarfélagið West Ham tilkynnti í dag Maximilian Kilman sem kemur til liðsins frá Wolves en hann var fyrirliði liðsins.
West Ham borgaði 40 milljónir punda eða 7 milljarða íslenskra króna fyrir 27 ára gamla miðvörðinn sem skrifaði undir sjö ára samning við félagið.
Kilman var lykilleikmaður í liði Úlfanna og var hjá þeim í sex ár. Hann er þriðji leikmaðurinn til þess að skrifa undir hjá liðinu síðan að Julen Lopetegui tók við West Ham í maí en þeir Luis Guilherme og Wes Foderingham voru á undan honum.
Kilman hefur unnið með Lopetegui áður en hann var knattspyrnustjóri Wolves frá nóvember 2022 til ágúst 2023.