Belginn á leiðinni til Aston Villa

Belgíski landsliðsmaðurinn Amadou Onana er á leiðinni til Aston Villa frá Everton á fimm ára samning. Félagaskiptasérfræðingurinn Fabrizio Romano greinir frá þessu á samfélagsmiðlum sínum.  

Aston Villa mun greiða 50 milljónir punda fyrir Belgann en Everton sótti Onana frá Lille í Frakklandi á 30 milljónir punda fyrir tveimur árum.  

Onana er miðjumaður og hefur leikið 72 leiki með Everton. Hann var í hóp Belga á EM sem komst í 16-liða úrslit í sumar.  

Hér fyrir neðan má sjá færslu Romano á samfélagsmiðlinum X.   

• Blogga um frétt