Enska knattspyrnufélagið Manchester United hefur tilkynnt kaupin á Hollendingnum Joshua Zirkzee sem skrifar undir fimm ára samning hjá félaginu.
Zirkzee er 23 ára gamall framherji sem kemur frá Bologna á 42.5 milljónir evra. Hann átti gott tímabil hjá félaginu, skorandi 11 mörk í 32 byrjunarliðsleikjum.
Hollendingurinn er uppalinn í akademíu Bayern München og vann sex bikara með félaginu. Hann er einnig landsliðsmaður Hollands og var í hópnum er liðið komst í undanúrslit á Evrópumótinu í sumar.
Zirkzee er fyrstu kaup United í sumar en liðið hefur verið sterklega orðað við landa hans Matthijs de Ligt.