Enska knattspyrnufélagið Manchester United hefur gengið frá kaupum á franska varnarmanninum Leny Yoro. Félagið greiðir tæplega 60 milljónir punda fyrir Yoro, sem er 18 ára gamall.
Real Madrid hafði einnig áhuga á Yoro, en forráðamenn United settu það í forgang hjá sér að sannfæra leikmanninn um að koma til Manchester.
Yoro skrifaði undir fimm ára samning við Manchester-félagið með möguleika á eins árs framlengingu.
Yoro er einn mest spennandi varnarmaður heims en hann var í lykilhlutverki hjá Lille aðeins 18 ára gamall á síðustu leiktíð.