Heimir segir Liverpool-manninum að fara

Heimir Hallgrímsson, nýráðinn þjálfari karlalandsliðs Írlands í knattspyrnu, vill að írski markmaðurinn Caoimhin Kelleher yfirgefi Liverpool.

Kelleher er á eftir Alisson Becker í goggunarröðinni hjá enska úrvalsdeildarfélaginu en hann er talinn einn besti markmaður í heimi. Alisson var mikið frá vegna meiðsla á síðasta tímabili og þá fékk Kelleher tækifæri og spilaði 10 leiki í deildinni og átta í Evrópudeildinni.

„Auðvitað þarf hann að fara, sérstaklega því hann sýndi öllum á síðasta tímabili að hann getur spilað í bestu deildunum.

Það væri synd ef hann væri ekki að spila reglulega þegar hann er búin að sýna öllum hvað hann er góður,“ sagði Heimir um Kelleher.

• Blogga um frétt