María komin með nýjan stjóra hjá Brighton

Hin hálf­ís­lenska María Þórisdóttir, leikmaður Brighton & Hove í hinni ensku úrvalsdeild kvenna í knattspyrnu, er komin með nýjan knattspyrnustjóra.

Dario Vidosic er 37 ára gamall og er frá Ástralíu en hann tekur við liðinu af  Mikey Harris sem stýrði liðinu frá því í febrúar, þegar Melissa Phillips var látin fara.

Vidosic hefur þjálfað Melbourne í heimalandinu frá 2023 og er fyrrverandi landsliðsmaður en hann spilaði 23 leiki fyrir ástralska landsliðið.

Brighton lenti í níunda sæti í deildinni í fyrra með 19 stig eftir 22 leiki.

• Blogga um frétt