Andre Onana, markmaður Manchester United í úrvalsdeild karla í knattspyrnu á Englandi, talaði vel um Leny Yoro, 18 ára miðvörð United.
Yoro spilaði í fyrsta sinn með liðinu í dag í æfingaleik gegn Rangers sem endaði 2:0. Hann var í byrjunarliði og spilaði fyrri hálfleik í leiknum.
„Hann er hér því hann er með mikla hæfileika. Ef þú spilar fyrir Manchester United þá ertu hæfileikaríkur og hann sýndi það í fyrri hálfleik,“ sagði Onana um hann í viðtali við Sky Sports.
Það er mikil pressa á honum, út af verðmiðanum sérstaklega, er hann nógu sterkur karakter til að spila undir þeirri pressu sem fylgir því að spila með United?
„Við erum hér til þess að hjálpa honum. Það skiptir ekki máli hvað gerist, við tökum ábyrgð á honum. Við ætlum að gefa honum tíma en við vitum að hann spjarar sig því ef þú kemur í þetta lið þá ertu góður.“
🗣️ "Talented player and good on the ball"
— Sky Sports News (@SkySportsNews) July 20, 2024
Man United goalkeeper Andre Onana speaks about new signing Leny Yoro after he played in their 2-0 pre-season victory against Rangers 🔴 pic.twitter.com/rxtnQiYgk3