Spænski knattspyrnumaðurinn Mikel Merino gæti verið á leiðinni frá Real Sociedad í heimalandinu og til Arsenal.
Merino varð á dögunum Evrópumeistari með Spánverjum en hann er 28 ára gamall miðjumaður.
Hann skoraði sigurmark Spánverja gegn Þjóðverjum í framlengingu í átta liða úrslitum Evrópumótsins í Þýskalandi fyrr í þessum mánuði.
Merino hefur verið eftirsóttur í nokkur ár en nú greina spænskir miðlar frá því að Arsenal sé í bestu stöðunni til að kaupa miðjumanninn.
Þá telur hann einnig Arsenal vera besta kostinn fyrir sig. Enska félagið á þó enn eftir að bjóða í leikmanninn en búast má við því á næstu dögum.