Enska knattspyrnufélagið Bournemouth hafði betur í kapphlaupi við nokkur önnur félög um hollenska táninginn Dean Huijsen en félagið kaupir hann af Juventus á Ítalíu.
Huijsen er 19 ára varnarmaður sem á að baki einn leik með Juventus í A-deildinni en spilaði síðan 14 leiki með Roma í sömu deild sem lánsmaður á síðasta keppnistímabili.
Hann hefur leikið fyrir öll yngri landslið Hollands en hefur nú nýtt sér spænskt ríkisfang, þar sem fjölskyldan hefur búið frá fimm ára aldri, og leikið með 21-árs landsliði Spánar.