Vináttuleikurinn hófst með slagsmálum

Æfingaleikur Chelsea og Wrexham í Santa Clara í Bandaríkjunum í gær byrjaði ekki gæfulega því leikmenn liðanna lentu í harkalegum stimpingum strax á annari mínútu leiksins.

Lætin byrjuðu upp úr þurru því Chelsea var með boltann og Wrexham menn virtust sáttir við að verjast aftarlega á vellinum og leyfa Lundúnarliðinu að spila boltanum á milli sín við miðlínu. James McClean, leikmaður Wrexham, tæklaði Lewis Colwill, varnarmann Chelsea, nokkuð hraustlega og Colwill brást hinn versti við.

Colwill greip í treyju McClean og tókust þeir harkalega á, svo harkalega að liðsfélagar þeirra þurftu að grípa inn í til að ekki færi verr. Hvorugur leikmaðurinn fékk spjald og leiknum lauk með 2:2 jafntefli. Christopher Nkunku og Lesley Ugochukwu skoruðu mörk Chelsea en Luke Bolton og Jack Marriott skoruðu fyrir Velska liðið.

Myndband af atvikinu má sjá hér að neðan.

• Blogga um frétt