Willum skoraði gegn West Bromwich (myndskeið)

Willum Þór Willumsson var á skotskónum í síðasta leik Birmingham City áður en enska deildakeppnin í knattspyrnu hefst um næstu helgi.

Birmingham keypti Willum af Go Ahead Eagles í Hollandi í sumar en félagið féll úr ensku B-deildinni í vor og ætlar sér beint upp aftur.

Í dag fékk Birmingham B-deildarliðið West Bromwich Albion í heimsókn og vann stórsigur, 4:1, sem lofar góðu fyrir framhaldið en Birmingham tekur á móti Reading í fyrstu umferð C-deildarinnar næsta laugardag.

Willum skoraði eitt markanna og það má sjá í myndskeiðinu hér fyrir neðan:

• Blogga um frétt