Besti leikmaður síðasta tímabils til Lundúna

Enska knattspyrnufélagið West Ham hefur gengið frá kaupum á hollenska kantmanninum Crysencio Summerville frá Leeds. Lundúnafélagið greiðir um 25 milljónir punda fyrir leikmanninn.

Summerville átti afar gott síðasta tímabil með Leeds og var kosinn besti leikmaður B-deildarinnar. Leeds tapaði hins vegar fyrir Southampton í úrslitum umspilsins og mistókst því að fara upp í úrvalsdeildina.

Hann lék 89 leiki með Leeds og skoraði í þeim 25 mörk. Hollendingurinn skoraði 21 af þeim í 49 leikjum á síðustu leiktíð. Þá lagði hann upp tíu mörk til viðbótar.

• Blogga um frétt