Knattspyrnumaðurinn Jarrod Bowen er orðinn fyrirliði enska félagsins West Ham.
Bowen tekur við armbandinu frá Kurt Zouma, sem er sagður vera á leiðinni til Dúbaí. Zouma var með bandið í ár eftir að Declan Rice fór til Arsenal.
Bowen hefur verið lykilmaður í liði West Ham undanfarin ár en hann gekk í raðir félagsins árið 2020.
Síðan þá hefur hann skorað 60 mörk og lagt 38 upp. Hann skoraði sigurmark West Ham í úrslitaleik Sambandsdeildarinnar gegn Fiorentina árið 2023.