Lykilmaður City ekki með í stórleiknum

Spánverjinn Rodri verður ekki með Manchester City gegn Chelsea í stórleik fyrstu umferðar ensku úrvalsdeildarinnar í knattspyrnu á Stamford Bridge í Lundúnum á sunnudaginn. 

Þetta staðfesti Pep Guardiola knattspyrnustjóri City á blaðamannafundi í dag. 

„Hann er að æfa en ég veit ekki alveg stöðuna á honum. Við verðum að sjá til með framhaldið en það er enginn séns á að hann verði með á sunnudaginn,“ sagði Guardiola. 

Rodri er einn af allra mikilvægustu mönnum Manchester City og verður áhugavert að sjá hvernig Guardiola stillir upp liðinu án hans. 

• Blogga um frétt