Brighton valtaði yfir Everton
Setja bókamerki
Brighton valtaði yfir Everton, 3:0, er liðin mættust í fyrstu umferð ensku úrvalsdeildarinnar á Goodison Park í Liverpool í dag.
Japaninn Kaouru Mitoma kom Brigthon yfir á 25. mínútu eftir hraða skyndisókn. Danny Welbeck tvöfaldaði forystu Brighton á 56. mínútu með góðri afgreiðslu.
Á 66. mínútu fékk Ashley Young, varnarmaður Everton, rautt spjald eftir að stöðva Mitoma sem var að sleppa einn í gegn á móti markmanni.
Varamaðurinn Simon Adingra innsiglaði síðan sigur Brighton á 86. mínútu með góðu marki.
Forest og Bournemouth skildu jöfn
Nottingham Forest og Bournemouth gerðu dramatískt 1:1 jafntefli á City Ground í Nottingham.
Nýsjálendingurinn Chris Wood skoraði fyrsta mark leiksins á 23. mínútu fyrir Nottingham Forest.
Dango Ouattara hélt að hann jafnaði metin á 35. mínútu en mark hans var dæmt af vegna rangstöðu í aðdragandanum
Antoine Semenyo skoraði jöfnunarmark Bournemouth á 86. mínútu. Mörkin urðu ekki fleiri og skildu liðin jöfn, 1:1.
Newcastle byrjar mótið á sigri
Newcastle vann nauman 1:0-sigur á Southampton á St. James’ Park í Newcastle.
Newcastle varð manni færri á 28. mínútu þegar Svisslendingurinn Fabian Schär fékk rautt spjald.
Brasilíumaðurinn Joelinton skoraði fyrir Newcastle undir lok fyrri hálfleiks og reyndist markið vera eina mark leiksins.
Mikilvægt að fá bílaleigur meira með í orkuskiptin
„Eins og kjarnorkusprengja hafi fallið“
„Þarna eru frægar eldstöðvar“
Of snemmt að segja til um hvort hrinan sé að fjara út
Hafna hugmyndum sviðsstjórans
Hafa upplýst Persónuvernd um netárásina
Óvenjuleg og hröð atburðarás sem kemur á óvart