Englendingurinn Joe Gomez er ekki í leikmannahópi Liverpool sem heimsækir nýliða Ipswich í fyrstu umferð ensku úrvalsdeildarinnar í knattspyrnu klukkan 11.30 í dag.
Gomez hefur verið í stóru hlutverki hjá Liverpool undanfarin ár en hann gekk í raðir félagsins árið 2015.
Hann hefur spilað 224 leiki en á enn eftir að skora mark.
Að sögn Paul Joyce, sem sérhæfir sig í málum Liverpool, er Gomez ekki í leikmannahópnum þar sem hann skoðar þann möguleika að fara frá félaginu áður en glugginn lokar.