Góð byrjun hjá Liverpool og Slot

Liverpool hafði betur gegn nýliðum Ipswich á útivelli, 2:0, í 1. umferð ensku úrvalsdeildarinnar í fótbolta í dag.

Var leikurinn sá fyrsti hjá Liverpool í deildinni síðan Arne Slot tók við og nægði góður seinni hálfleikur til að ná í þrjú stig.

Liðunum gekk illa að skapa sér mjög gott færi í fyrri hálfleik en Ipswich fékk þó fleiri og betri færi, þrátt fyrir að Liverpool hafi verið meira með boltann.

Alexis Mac Allister reynir fyrirgjöf. Axel Tuanzebe verst. AFP/Henry Nicholls

Jacob Greaves fékk besta færi hálfleiksins er hann náði skalla af stuttu færi en Alisson í marki Liverpool var vel staðsettur. Omari Hutchinson fékk svo fínt færi en Alisson varði frá honum er Ipswich-maðurinn lét vaða utan teigs.

Hinum megin fékk Liverpool mikið af hornum en gekk illa að skapa sér opið færi. Trent Alexander-Arnold átti eina skot gestanna í hálfleiknum er hann skaut yfir rétt utan teigs í blálok hálfleiksins.

Diogo Jota úr Liverpool og Luke Woolfenden hjá Ipswich eigast við í dag. AFP/Henry Nicholls

Var staðan í hálfleik því 0:0.

Liverpool var mun sterkari aðilinn í seinni hálfleik og eftir þunga og stanslausa pressu skoraði Diogo Jota loks fyrsta markið á 60. mínútu er hann lagði boltann í hornið í teignum eftir sendingu frá Mo Salah.

Ipswich leikur sinn fyrsta leik í ensku úrvalsdeildinni í 22 ár í dag. AFP/Henry Nicholls

Salah sá sjálfur um að gera annað markið fimm mínútum síðar. Hann slapp þá í gegn eftir sendingu frá Dominik Szoboszlai og lagði boltann undir Christian Walton í marki Ipswich.

Leikurinn róaðist nokkuð eftir markið, en Liverpool var líklegra til að bæta við en Ipswich að minnka muninn. Fleiri urðu mörkin þó ekki.

Lýsing uppfærist sjálfkrafa

Allar lýsingar í beinni

Aðrir virkir leikir

Vestri	0:0	KR	Skoða leik
1. mín. Leikur hafinn
Augnablik — sæki gögn...

Arsenal	0:0	Wolves	Skoða leik
1. mín. Leikur hafinn
Augnablik — sæki gögn...

Leiklýsing

Ipswich	0:2	Liverpool	Opna lýsingu Loka
90. mín. Ipswich varðist þessu tíunda horni Liverpool-manna vel. Bæði lið virðast búin að sætta sig við stöðuna.
Augnablik — sæki gögn...

• Blogga um frétt