Haaland um Cucurella: „Fyndinn náungi“

Norski knattspyrnumaðurinn Erling Haaland, sóknarmaður Manchester City, skaut létt á spænska varnarmanninn Marc Cucurella, leikmann Chelsea og Evrópumeistara með Spáni, eftir 2:0-sigur Man. City á Chelsea í ensku úrvalsdeildinni í gær.

Cucurella fagnaði Evrópumeistaratitlinum með Spáni með því að syngja lag um sjálfan sig þar sem Haaland kemur við sögu.

Frétt af mbl.is

Glæsilegt mark gegn gömlu félögunum (myndskeið)

„Haaland, þú ættir að skjálfa á beinunum því Cucurella er að koma!“ hljómar söngurinn sem spænski bakvörðurinn söng í fagnaðarlátunum með landsliði sínu.

Hann gat ekki stöðvað Haaland þegar hann skoraði fyrra mark Man. City í gær og spurði norski fjölmiðlamaðurinn Jan Åge Fjørtoft landa sinn út í lagið:

„Hann er fyndinn náungi. Á síðasta tímabili bað hann um að fá treyjuna mína og núna í sumar syngur hann lag um mig,“ sagði Haaland í samtali við Viaplay.

• Blogga um frétt