Gæti Sterling farið til Arsenal?

Knattspyrnumaðurinn Raheem Sterling leitar sér að nýju félagi eftir að Enzo Maresca, nýr stjóri Chelsea, sagði honum að hann myndi lítið sem ekkert spila fyrir liðið á tímabilinu. 

Sterling gekk í raðir Chelsea sumarið 2022 eftir að hafa verið lykilmaður hjá Manchester City. 

Hann hefur ekki staðið undir væntingum á Stamford Bridge en hjá City var Sterling upp á sitt besta á meðan Mikel Arteta, stjóri Arsenal, var aðstoðarmaður Pep Guardiola, stjóra City. 

Arteta og Sterling náðu vel saman en á blaðamannafundi fyrir leikinn gegn Aston Villa á morgun var Arteta spurður út í Sterling og hvort að Arsenal hefði áhuga á honum. 

„Við Sterling mynduðum mjög sterkt samband saman. Hann var ótrúlegur leikmaður þá og kenndi mér margt. Ég ber mjög sterkar tilfinningar til hans,“ sagði Arteta. 

Frétt af mbl.is

Númerið hirt af Sterling

• Blogga um frétt