Joao Pedro reyndist hetja Brighton & Hove Albion þegar hann skoraði sigurmarkið í 2:1-sigri á Manchester United í ensku úrvalsdeildinni í knattspyrnu karla í dag. Markið kom á fimmtu mínútu uppbótartíma.

Danny Welbeck kom Brighton í forystu í fyrri hálfleik gegn uppeldisfélagi sínu og hefur nú skorað fimm sinnum gegn Man. United í úrvalsdeildinni, oftast allra þeirra fyrrverandi leikmanna liðsins sem hafa skorað gegn því í deildinni.

Amad Diallo jafnaði metin í síðari hálfleik eftir góðan sprett á hægri kantinum.

Pedro skoraði svo með skalla seint og um síðir þar sem dekkningu Man. United manna var ábótavant.

Mörkin þrjú ásamt öllu því helsta úr leiknum má sjá í spilaranum hér að ofan, en mbl.is færir ykkur efni úr enska boltanum í samstarfi við Símann Sport.

Tengdar fréttir

Mörk og tilþrif

Tók nokkrar sekúndur fyrir Jota að skora (myndskeið)

• Markaveisla í Lundúnum (myndskeið)
• Glæsilegt aukaspyrnumark í uppbótartíma (myndskeið)
• Tvenna Fodens dugði ekki til (myndskeið)
• Þaggaði niður í áhorfendum (myndskeið)

» Fleiri tengdar fréttir

• Blogga um frétt