Síðan Erik ten Hag tók við Manchester United hefur ekkert lið í ensku úrvalsdeildinni í fótbolta oftar fengið á sig sigurmark í uppbótartíma.
Hollendingurinn er á sínu þriðja tímabili með Manchester-liðið.
Brasilíumaðurinn João Pedro skoraði sigurmark Brighton gegn United í gær á fimmtu mínútu uppbótartímans. Var það sjötta sigurmarkið sem andstæðingur skorar gegn United í uppbótartíma síðan ten Hag tók við liðinu.
Úrslitin þurfa ekki að koma á óvart því Brighton hefur nú unnið fimm leiki af síðustu sex gegn United.
Danny Welbeck skoraði fyrra mark Brighton og Amad Diallo jafnaði, áður en Pedro skoraði sigurmarkið.