Georgíski knattspyrnumarkvörðurinn Giorgi Mamardashvili fer í læknisskoðun hjá Liverpool í dag.
Enskir miðlar greina frá en Liverpool kaupir Mamardashvili frá Valencia fyrir samtals 35 milljónir evra. Hann verður þó á láni hjá Valencia út þetta tímabil.
Litið er á Georgíumanninn, sem er 23 ára gamall, sem framtíðarmarkvörð Liverpool en hann var frábær á Evrópumótinu með Georgíu fyrr í sumar.