Skærasta stjarna Liverpool á förum
Setja bókamerki
Egypski knattspyrnumaðurinn Mohamed Salah mun yfirgefa enska úrvalsdeildarfélagið Liverpool næsta sumar.
Þetta tilkynnti leikmaðurinn í viðtali við Sky Sports eftir öruggan sigur liðsins, 3:0, gegn Manchester United í 3. umferð ensku úrvaldeildarinnar á Old Trafford í Manchester í gær.
Samningur Salah við Liverpool rennur út næsta sumar en hann hefur verið sterklega orðaður við félög í Sádi-Arabíu. Hann á að baki 352 leiki fyrir félagið þar sem hann hefur skorað 214 mörk en hann er 32 ára gamall.
Nýtur þess að spila fótbolta
„Ég hugsaði með mér, farandi inn í leikinn, að þetta væri mögulega síðasti leikurinn minn á Old Trafford,“ sagði Salah.
„Það hefur enginn rætt við mig um nýjan samning. Ég sagði því við sjálfan mig, farandi inn í þetta tímabil, að ég ætlaði að njóta þess að spila fótbolta og spila fyrir Liverpool.
Mér líður eins og ég sé algjörlega frjáls. Þetta er mitt síðasta tímabil hjá Liverpool,“ bætti Egyptinn við en hann gekk til liðs við Liverpool frá Roma, sumarið 2017, fyrir 36 milljónir punda.
Jón Gunnarsson aftur á leið inn á þing
Vegagerðin svarar ekki ásökunum
Íslandi enn betur borgið utan ESB
Vatnshæð lækkaði talsvert í gær
Er Þorgerður Katrín skuggaráðherra fjármála?
Tilbúin að leiða flokkinn en dagurinn snýst um Bjarna
Tóku bæ á stærð við Reykjanesbæ á sitt vald