Vill komast burt frá Newcastle

Kieran Trippier, bakvörður enska knattspyrnufélagsins Newcastle, vill komast burt frá félaginu.

Það er talkSport sem greinir frá þessu en Trippier, sem 32 ára gamall, hefur ekki átt fast sæti í byrjunarliði liðsins í upphafi tímabilsins.

Hann hefur verið orðaður við félög í Tyrklandi undanfarna daga en félagaskiptaglugganum þar í landi verður lokað þann 13. september.

Trippier gekk til liðs við Newcastle frá Atlético Madrid, í janúar 2022, og á að baki 94 leiki fyrir félagið þar sem hann hefur skorað fjögur mörk og lagt upp önnur 21 til viðbótar.

Fenerbache þykir líklegasti áfangastaður leikmannsins en José Mourinho er knattspyrnustjóri liðsins.

• Blogga um frétt