Mikið verk að vinna ef hann vill halda starfinu
Setja bókamerki
Spilamennskan enska knattspyrnufélagsins Manchester United verður að batna til muna ef Hollendingurinn Erik ten Hag vill halda starfi sínu sem stjóri liðsins.
Það er The Guardian sem greinir frá þessu en Jason Wilcox, yfirmaður tæknimála hjá félaginu, var ráðinn til félagsins í sumar til þess að greina leiki aðalliðsins í þaula.
Spilamennska liðsins hefur ekki verið góð í fyrstu þremur leikjum tímabilsins en United situr í 14. sæti úrvalsdeildarinnar með þrjú stig.
United var undir á öllum sviðum leiksins í 3:0-tapinu gegn Liverpool um síðustu helgi og The Guardian greinir frá því að eftir ítarlegar greiningar hjá tæknideild félagsins sé fátt um jákvæða punkta þegar kemur að spilamennskunni í upphafi tímabilsins.
Í frétt miðilsins kemur fram að ten Hag verði að sýna forráðamönnum félagsins að liðið geti stjórnað þeim leikjum sem það spilar. Ef ekki þá verði honum sagt upp störfum en hann framlengdi samning sinn við enska félagið í sumar.
Yfirheyrðu drenginn fyrir ári vegna hótana
Segja vafasamt að fullyrða um samræmt námsmat
„Ennþá að bíða eftir að fá peningana“
Sjö drepnir í loftárás Rússa á Lvív
Grímuklæddur maður ógnaði stúlkum með hnífi
Vísbendingar um að landris sé hafið á ný
Pútín segist styðja Harris í kosningunum