Goðsögn Ipswich með krabbamein

George Burley, fyrrverandi leikmaður og knattspyrnustjóri Ipswich Town, gengst nú undir krabbameinsmeðferð.

Burley, sem er 68 ára gamall, lék með Ipswich á árunum 1973 til 1985 þar sem hann spilaði yfir 500 leiki. Hann þjálfaði svo liðið árin 1994 til 2002, en undir stjórn Burley hafnaði liðið til að mynda í fimmta sæti í ensku úrvalsdeildinni vorið 2002, þegar Hermann Hreiðarsson lék með liðinu.

„Þetta hefur hefur verið erfiður tími en ég lít núna bjartari augum til framtíðar. Ég get farið á leiki á Portman Road og nýt þess að sjá liðið aftur í ensku úrvalsdeildinni.

Við erum þakklát félaginu fyrir þann stuðning sem mér og fjölskyldu minni hefur verið sýndur og ég vildi biðja alla um að virða næði okkar á þessari stundu,“ sagði Burley í tilkynningu á heimasíðu Ipswich.

• Blogga um frétt