Íþróttir | Enski boltinn | mbl | 14.9.2024 | 16:05

Sögulegur sigur Forest á Anfield

Luis Diaz hjá Liverpool reynir að komast framhjá Ryan Yates …
Luis Diaz hjá Liverpool reynir að komast framhjá Ryan Yates hjá Nottingham Forest á Anfield í dag. AFP/Ian Hodgson

Magnús Haukur Harðarson

sport@mbl.is

Nottingham Forest vann sögulegan sigur á Liverpool á Anfield í dag í ensku úrvalsdeildinni í knattspyrnu, 1:0.

Forest hafði ekki unnið þar leik í 55 ár, eða frá árinu 1969.

Liverpool er áfram í öðru sæti deildarinnar þrátt fyrir tapið með 9 stig en Forest er enn taplaust og er komið í fjórða sætið með 8 stig.

Fyrri hálfleikurinn var rólegur framan af en fyrsta færi leiksins kom á 16 mínútu þegar Luiz Díaz vann boltann við endalínu, keyrði inn í teig og átti gott skot í stöngina.

Næsta færi var líka Liverpoolmanna en þá var það Diogo Jota sem átti skot af stuttu færi eftir frábæra sendingu frá Alexis Mac Allister en skotið fór beint á Matz Sels í markinu.

Seinasta færi fyrri hálfleiksins var ansi skondið en Díaz átti slakan skalla beint á Sels sem missti boltann gegnum klofið á sér en náði að grípa hann áður en hann fór yfir marklínuna.

Það gerðist ekkert í seinni hálfleiknum fyrr en á 72 mínútu þegar Nottingham Forest skorar frábært mark en það var Callum Hudson-Odoi sem skoraði markið, 1:0.

Liverpool komst aldrei nálægt því að jafna leikinn og sigur Forest staðreynd.

Næsti leikur Liverpool í deildinni er gegn Bournemouth en Nottingham Forrest spilar gegn Brighton.

Lýsing uppfærist sjálfkrafa

Allar lýsingar í beinni

Aðrir virkir leikir

Southampton 0:3 Man. United opna
90. mín. Alejandro Garnacho (Man. United) skorar 0:3 - Dalot leggur boltann út á Garnacho sem skorar af öryggi.
Fylkir 1:4 Keflavík opna
90. mín. Leik lokið 1:4 - Sanngjarn sigur Keflvíkinga staðreynd. Takk í dag.
Stjarnan 2:1 Tindastóll opna
90. mín. Hulda Hrund Arnarsdóttir (Stjarnan) fær gult spjald Sparkaði boltanum i burtu eftir að dæmt hafði verið
Leiknir R. 1:1 ÍBV opna
90. mín. Eiður Atli Rúnarsson (ÍBV) fær víti Eiður Atli hendir sér niður innan teigs og Gunnar Freyr bendir á punktinn. Eyjamenn geta jafnað í uppbótartíma. Sýndist þetta vera frekar ódýrt.
Keflavík 4:0 Fjölnir opna
90. mín. Leik lokið Leik lokið hér í Keflavík með öruggum 4:0 sigri.

Leiklýsing

Liverpool 0:1 Nottingham F. opna loka
95. mín. Leik lokið
mbl.is
Fleira áhugavert
„Skulum rétt vona að brautin lokist ekki“ Að horfa og sjá er tvennt ólíkt Umboðsmaður krefur ráðherra svara Segir vefverslunina mikil vonbrigði
Fleira áhugavert
„Þjóðin ber skaðann af þessari framgöngu“ Fjöldi tilboða borist í Wok on Campbell hrósaði Þórdísi Að horfa og sjá er tvennt ólíkt