Postecoglou svarar gagnrýninni

Ummæli Ange Postecoglou, knattspyrnustjóra Tottenham, eftir tap gegn Arsenal í N-Lundúna slagnum um helgina hafa verið gagnrýnd. Ástralinn gefur lítið fyrir neikvæðnisraddir.

Postecoglou sagði í kjölfar 1:0 ósigurs Tottenham að hann væri vanur að vinna bikara á öðru tímabili sínu í starfi. Annað tímabil hans við stjórnvölinn í Lundúnarklúbbnum byrjar ekki glæsilega en Ástralinn er ekki af baki dottinn þótt ummælin hafi farið öfugt ofan í marga.

Frétt af mbl.is

„Meiri líkur á að ég vinni Strictly“

„Ég skal leiðrétta mig. Ég er ekki vanur að vinna bikara, ég vinn alltaf bikara á öðru tímabili mínu hjá félögum. Ekkert hefur breyst. Ég segi ekki neitt nema að ég trúi því sjálfur“ sagði Ástralinn í samtali við Sky Sports.

Meðal þeirra sem gagnrýndu Postecoglou var Paul Merson, fyrrverandi leikmaður Arsenal og enska landsliðsins en Merson sagðist eiga meiri möguleika á að vinna Strictly Come Dancing sjónvarpsþáttinn þar sem Merson er þáttakandi heldur en Tottenham að vinna bikar í ár.

• Blogga um frétt