Af hverju er hann að skemma leikinn?

Daninn Peter Schmeichel, fyrrverandi markvörður Manchester United og danska landsliðsins, var allt annað en sáttur við Michael Oliver dómara í leik Manchester City og Arsenal í ensku úrvalsdeildinni í fótbolta í gær.

Oliver vísaði Leandro Trossard af velli með rautt spjald í lok fyrri hálfleiks í stöðunni 2:1 fyrir Arsenal. City jafnaði að endingu í uppbótartíma og varð jafntefli niðurstaðan.

Frétt af mbl.is

„Ótrúlega heimskulegt“ hjá Trossard

„Þetta er stærsti leikur tímabilsins til þessa. Af hverju er Michael Oliver að skemma leikinn? Af hverju setur hann sig í þessa stöðu? Fyrra gula spjaldið var harður dómur og hans fyrsta brot.

Það eru miklar tilfinningar í svona stórum leikjum og dómarinn verður að sýna smá skilning, en nei. Hann ákvað að baða sig í sviðsljósinu,“ sagði Schmeichel reiður á Viaplay.

• Blogga um frétt