Íþróttir | Enski boltinn | mbl | 28.9.2024 | 13:30

City tapaði stigum í Newcastle

Phil Foden og Erling Haaland. AFP/Oli Scarff

Newcastle og Manchester City skildu jöfn, 1:1, í ensku úrvalsdeildinni í knattspyrnu í Newcastle í dag.

Manchester City er áfram á toppnum með 14 stig. Newcastle situr í fimmta sæti með 11 stig.

Newcastle byrjaði viðureignina af miklum krafti. Heimamenn gerðu vel að pressa Manchester City hátt á vellinum og komast í álitlegar stöður en náðu ekki að skapa sér nein alvöru færi.

Það var Manchester City sem tók forystuna á 35. mínútu. Þar var Josko Gvardiol að verki en hann fékk boltann vinstra megin í teignum frá Jack Grealish, lék á Dan Burn og lagði boltann síðan í fjærhornið.

Manchester City með 1:0 forystu í hálfleik.

Á 56. mínútu slapp Anthony Gordon einn í gegn, fór framhjá Ederson sem tók hann niður og dæmdi Jarred Gillett, dómari leiksins, víti. Gordon fór sjálfur á punktinn og skoraði af miklu öryggi.

Þrátt fyrir mikla pressu frá City-mönnum á lokamínútunum urðu mörkin ekki fleiri og lokaniðurstaða því 1:1 jafntefli.

Lýsing uppfærist sjálfkrafa

Allar lýsingar í beinni

Aðrir virkir leikir

Víkingur R.	1:2	Valur	Skoða leik
90. mín. Leik lokið
Augnablik — sæki gögn...

Breiðablik	4:2	FH	Skoða leik
90. mín. Leik lokið +3.
Augnablik — sæki gögn...

Keflavík	0:1	Afturelding	Skoða leik
90. mín. Leik lokið Afturelding spilar í Bestu deild karla á næsta tímabili eftir 1:0 sigur gegn Keflavík.
Augnablik — sæki gögn...

Arsenal	4:2	Leicester	Skoða leik
90. mín. Arsenal skorar 3:2 - Saka tekur hornspyrnuna á fjær þar sem Trossard bíður einn og óvaldaður. Belginn tekur boltann innanfótar og setur hann inn í þvöguna þar sem hann fer af Ndidi og í netið. Þetta skrifast líklega sem sjálfsmark á Ndidi. Þvílík dramatík!
Augnablik — sæki gögn...