Ætla að áfrýja „ósanngjarnri“ refsingu

Enska knattspyrnufélagið Nottingham Forest ætlar að áfrýja 750.000 punda sekt sem það fékk frá enska knattspyrnusambandinu, vegna færslu á samfélagsliðinum X um dómarann Stuart Atwell.

For­est birti harðorða yf­ir­lýs­ingu eft­ir 2:0-tap fyr­ir Evert­on þar sem heil­indi Attwells sem dóm­ara voru dreg­in í efa og bent á að hann væri stuðnings­maður Lut­on Town, sem var í harðri botn­bar­áttu við For­est og Evert­on á síðasta tíma­bili.

For­est var ósátt við að fá ekki dæmd­ar þrjár víta­spyrn­ur í leikn­um og kvaðst hafa beðið um að Attwell yrði skipt út sem VAR-dóm­ara fyr­ir leik­inn en að á beiðni fé­lags­ins hafi ekki verið hlustað.

Sjálf­stæð nefnd komst að þeirri niður­stöðu að For­est hafi með yf­ir­lýs­ingu sinni ráðist gegn heil­ind­um dóm­ara og að árás­in eigi sér vart sam­an­b­urð.

Forest er ekki sátt og gaf út aðra yfirlýsingu í gær.

„Við erum mjög áhyggjufull yfir því að knattspyrnusambandið vildi fyrst sekta okkur um meira en milljón pund, áður en upphæðin var lækkuð.

Það er ósanngjörn refsing, eins og sektin sem við enduðum á að að fá. Þetta er mjög óhófleg upphæð,“ segir m.a. í yfirlýsingunni.

• Blogga um frétt