Jones skaut Liverpool á toppinn

Liverpool fór aftur upp í toppsæti ensku úrvalsdeildarinnar í fótbolta með sigri á Chelsea, 2:1, á heimavelli sínum í dag. Liverpool er nú með 21 stig, einu meira en Manchester City. Chelsea er í sjötta sæti með 14 stig.

Leikurinn fór rólega af stað og var nær ekkert um færi fyrsta tæpa hálftímann, eða fram að 27. mínútu.

Liverpool fékk þá víti eftir að Levi Colwill tók Curtis Jones niður innan teigs. Mo Salah fór á punktinn, skoraði af öryggi og kom Liverpool í forystu.

Reece James og Cody Gakpo eigast við í dag. AFP/Paul Ellis

Dominik Szoboszlai fékk gott tækifæri til að tvöfalda forskotið á 37. mínútu en hann missti jafnvægið í góðu færi og skaut laust og beint á Robert Sánchez í marki Chelsea.

Liverpool hélt svo að Salah fengi annað tækifæri á punktinum í uppbótartíma í fyrri hálfleik er Sánchez tók Jones niður innan teigs. John Brooks dómari dæmdi annað víti en eftir skoðun í VAR hætti hann við, þar sem Sánchez fór í boltann fyrst.

Chelsea fékk fá færi. Nicolas Jackson skaut í utanverða stöngina á 33. mínútu úr þröngu færi og Cole Palmer skaut yfir utarlega í teignum undir lok fyrri hálfleiks. Nær komst Chelsea ekki og var staðan í leikhléi því 1:0.

Mo Salah kemur Liverpool í 1:0. AFP/Paul Ellis

Það tók Chelsea aðeins þrjár mínútur að jafna í seinni hálfleik og það gerði Nicolas Jackson er hann slapp í gegn eftir glæsilega sendingu frá Moises Caicedo.

Aðeins þremur mínútum síðar kom Curtis Jones Liverpool aftur yfir með góðri afgreiðslu í teignum eftir fallega fyrirgjöf frá Mo Salah.

Liðunum gekk verr að skapa sér færi það sem eftir lifði leiks, Liveprool varði forskotið vel og sigldi eins marks sigri í höfn.

Lýsing uppfærist sjálfkrafa

Allar lýsingar í beinni

Aðrir virkir leikir

Haukar	35:26	Cocks	Skoða leik
60. mín. Leik lokið 9 marka sigur staðreynd. Vonum að það sé nóg fyrir seinni leikinn í Finnlandi næsta sunnudag.
Augnablik — sæki gögn...

HK	1:1	Fram	Skoða leik
45. mín. Hálfleikur Staðan er 1:1 eftir nokkuð líflegan fyrri hálfleik. Það er meiri kraftur í HK-ingunum, enda mun meira í húfi hjá þeim.
Augnablik — sæki gögn...

Fylkir	0:1	KR	Skoða leik
45. mín. Hálfleikur Enginn uppbótartími. KR leiðir 1:0 í hálfleik
Augnablik — sæki gögn...

Leiklýsing

Liverpool	2:1	Chelsea	Opna lýsingu Loka
90. mín. Liverpool er að gera vel í að drepa leikinn. Chelsea ekkert að ná að skapa sér.
Augnablik — sæki gögn...

• Blogga um frétt