Borguðu Sir Alex 37 milljónir á mánuði

Knattspyrnugoðsögnin Sir Alex Ferguson lætur af störfum sem sendiherra Manchester United eftir tímabilið. Sir Alex hefur þénað 200.000 pund, eða rúmar 37 milljónir króna, á mánuði í starfinu.

Íslandsvinurinn Jim Ratcliffe, sem stýrir knattspyrnuhluta félagsins, vill lækka launakostnað um 10 milljónir punda á ári og var samningi Fergusons því sagt upp.

Menn á borð við Eric Cantona og Rio Ferdinand hafa gagnrýnt félagið fyrir uppsögnina, en blaðamaðurinn Ewan Murray á The Guardian sér málið öðrum augum.  

Um 250 starfsmenn félagsins hafa misst vinnuna á undanförnum vikum og Murray skrifar að það hafði verið smekklaust að halda áfram að greiða hinum 83 ára gamla Ferguson himinhá laun á meðan lágtekjufólk er að missa vinnuna.

• Blogga um frétt