Hefur aldrei hitt annan eins mann

John McGinn, fyrirliði enska knattspyrnuliðsins Aston Villa, segist aldrei áður hafa hitt annan eins mann og Unai Emery stjóra liðsins. 

Aston Villa hefur farið frábærlega af stað í Meistaradeild Evrópu en liðið vann Bologna, 2:0, í gærkvöldi. 

Liðið er á toppnum í deildarkeppni Meistaradeildarinnar og vann meðal annars stórlið Bayern München í annarri umferð. 

Emery hefur gjörbreytt félaginu eftir að hann kom veturinn 2022. Fyrirliðinn John McGinn vill meina að hann sé nú þegar einn albesti stjóri í sögu félagsins. 

„Það skiptir ekki máli hvað gerist þangað til hann fer, sem verður vonandi aldrei. Hann er nú þegar einn besti stjóri í sögu félagsins. 

Hann er svo einbeittur og ákveðinn, ég hef aldrei hitt annan eins mann,“ sagði McGinn við breska ríkisútvarpið BBC. 

• Blogga um frétt