Segir De Bruyne vera á síðasta ári

Belgíski knattspyrnusnillingurinn Kevin De Bruyne er líklega á sínu síðasta tímabili með Englandsmeisturum Manchester City. 

Samlandi hans Sacha Tavolieri segir frá en samkvæmt honum er MLS-deildin í Bandaríkjunum farin að kalla á Belgann. 

De Bruyne er á síðasta ári samnings síns við Manchester City en Tavolieri segir það vera ólíklegt að hann endursemji við félagið. 

Þá er einnig áhugi á Belganum í Sádi-Arabíu. 

De Bruyne er einn albesti leikmaður í sögu ensku úrvalsdeildarinnar en hann hefur verið hjá Manchester City í níu ár. Þá hefur hann unnið sex Englandsmeistaratitla og Meistaradeild Evrópu. 

• Blogga um frétt