Arne Slot knattspyrnustjóri Liverpool varð pirraður yfir spurningu á blaðamannafundi eftir sigur liðsins á Leipzig á útivelli í Meistaradeild Evrópu í fótbolta í gærkvöldi, 1:0.
Hollenski stjórinn sagði eftir 2:1-sigurinn á Chelsea í ensku úrvalsdeildinni á sunnudag að sitt lið hafi ekki stjórnað leiknum nægilega vel.
Einn blaðamaður spurði Slot hvers vegna hans lið hafi ekki stýrt leiknum við Leipzig heldur.
„Varstu ekki á vellinum? Fannst þér við ekki vera með yfirburði?“ spurði Slot ósáttur.
„Í byrjun og í lokin, nei,“ svaraði blaðamaðurinn og Slot svaraði um hæl:
„Þegar þú ert að spila á móti góðu liði á útivelli mun það alltaf eiga góða kafla. Eitt af því var eftir horn, en að mínu mati vorum við með yfirburði nánast allan leikinn,“ sagði Slot.