Enska knattspyrnufélagið Manchester United hefur áhuga á að ráða Portúgalann Ruben Amorim sem nýjan knattspyrnustjóra.
The Athletic greinir frá að enska félagið sé byrjað í viðræðum við Sporting og Amorim. Er Enska félagið reiðubúið að greiða Sporting tíu milljónir evra til að fá Portúgalann yfir til Manchester.
Amorim hefur náð mjög góðum árangri með Sporting á undanförnum árum og í tvígang unnið bæði deildina og deildabikarinn í Portúgal. Er hann enn aðeins 39 ára gamall.
United er ekki fyrsta enska félagið sem Amorim er orðaður við, því hann hefur einnig verið orðaður við Liverpool og West ham.